ദുബായ്: ദുബായിൽ കടലിൽ കുളിക്കാൻ ഇറങ്ങിയ കൂട്ടുക്കാരെ രക്ഷപ്പെടുത്താൻ ഇറങ്ങിയ മലയാളി യുവാവ് മരിച്ചു. ഇടുക്കി കോഴിക്കാനം റോഡ് ഏലപ്പാറ ബെഥേൽ ഹൗസിൽ അനിൽ ദേശായ്(30) ആണ് ആണ് മരിച്ചത്. ദുബായ് മംസാർ ബീച്ചിൽ ആണ് സംഭവം നടന്നത്. ഇന്നലെ പുലർച്ചെയായിരുന്നു സംഭവം നടന്നത്.
അൽഖൂസിലെ സ്റ്റീൽ വർക് ഷോപ്പിൽ മെഷീൻ ടൂൾ ഓപറേറ്ററായ അനിലും മൂന്ന് കൂട്ടുകാരും ആണ് ഇന്നലെ പുലർച്ചെ ബീച്ചിൽ എത്തിയത്. ഇന്ന് അവധിയായതിനാൽ സുഹൃത്തുക്കളുമായി ആണ് ചേർന്നത് ആണ് അനിൽ ബീച്ചിൽ പോയത്. പുലർച്ചെയാണ് ഇവർ ബീച്ചിൽ കുളിക്കാൻ പോയത്. ഇതിനിടെ കൂട്ടുകാരിലൊരാൾ തിരയിൽപ്പെട്ടപ്പോൾ അയാളെ രക്ഷിക്കാൻ വേണ്ടിയാണ് അനിൽ ചാടിയത്. എന്നാൽ തിരിയിൽപ്പെട്ട് അനിലിനെ കാണാതാകുകയായിരുന്നു.
അനിലിനെ രക്ഷിക്കാൻ മറ്റു സുഹൃത്തുക്കൾ ശ്രമം നടത്തി. എന്നാൽ ഇതിന് പരിഹാരം കാണാൻ സാധിച്ചില്ല. ഉടൻ സ്ഥലത്തെത്തിയ തീരദേശ സുരക്ഷാ സേനയും പോലീസും ചേർന്ന് തെരച്ചിൽ നടത്തി. ആളെ കണ്ടെത്തി കരക്കെത്തിച്ചു എപ്പോഴേക്കും മരിച്ചിരുന്നു. ഹാബേൽ–അനിമോൾ ദമ്പതികളുടെ മകനാണ് അനിൽ
ദുബായ് പോലീസ് മോർച്ചറിയിൽ ആണ് ഇപ്പോൾ മൃതദേഹം സൂക്ഷിച്ചിരിക്കുന്നത്. നാട്ടിലേക്ക് കൊണ്ടുപോകാനുള്ള നടപടികൾക്ക് സാമൂഹിക പ്രവർത്തകൻ നസീർ വാടാനപ്പള്ളി നേതൃത്വം നൽകുന്നു. നാളെ വൈകിട്ടോടെ മൃതദേഹം കൊണ്ടുപോകാനാകുമെന്നാണ് കരുതുന്നതെന്ന് ബന്ധു ഷൈജൻ പറഞ്ഞു.
മംസാർ ബീച്ചിൽ നിരവധി പേർ ഇതുപോലെ അപകടത്തിപ്പെട്ടിട്ട്. മലയാളികളടക്കം നിരവധി പേർ ഇവിടെ കടലിൽ മുങ്ങി മരിച്ചിട്ടുണ്ട്. ഈ ഭാഗത്ത് നീന്തലിന് അനുവാദമില്ലാത്ത സ്ഥലമാണ്. എന്നാൽ നിരവധി പേർ ഇവിടെ നീന്തലിന് എത്തും. ബീച്ചില്‍ കുളിക്കാനിറങ്ങുന്നവർ വളരെ ജാഗ്രത പാലിക്കണമെന്നും മാർഗനിർദേശങ്ങൾ പാലിക്കണമെന്നും അധികൃതർ ആവർത്തിച്ച് മുന്നറിയിപ്പ് നൽകുന്നു.
അധികൃതർ നിരവധി തവണ മുന്നറിയിപ്പ് നൽകിയിട്ടുണ്ട്. ആളുകൾ കുളിക്കാനിറങ്ങുകയും അപകടത്തിൽ പെടുന്നതും ചെയ്യുന്നത് ഇവിടെ പതിവാണ്. അപകടസ്ഥലത്തേയ്ക്ക് രക്ഷാപ്രവർത്തകരെ എത്രയും വേഗം അയക്കുന്നതിന് അപകടത്തെക്കുറിച്ച് ഉടൻ അറിയിക്കണമെന്ന് പൊലീസ് പൊതുജനങ്ങളോട് അഭ്യർഥിച്ചു. കടലിൽ കുളിക്കാൻ ഇറങ്ങുന്നത് സംബന്ധിച്ച ദുബായിൽ നിയമം നിലിൽക്കുന്നുണ്ട്. രാത്രി സമയങ്ങളിൽ കടലിൽ ഇറങ്ങാനോ കുളിക്കാനോ പാടില്ല. നിയമം ലംഘിച്ച് നിരവധി പേർ കടലിൽ കുളിക്കാൻ ഇറങ്ങി.
