ലോകത്തിലെ ഏറ്റവും മികച്ച ഫുട്ബോൾ താരങ്ങളാണ് ലയണൽ മെസിയും, ക്രിസ്റ്റ്യാനോ റൊണാൾഡോയും. അർജന്റീനൻ ഫുട്ബോൾ ടീമിനെയും, പോർച്ചുഗൽ ഫുട്ബോൾ ടീമിനെയും മികച്ച രീതിയിൽ നയിക്കുന്നവർ ഇവരാണ്. ഈ വർഷമാണ് മാഞ്ചസ്റ്റർ സിറ്റിയിൽ നിന്നും സൂപ്പർ താരം കോൾ പാൽമർ ചെൽസിയിൽ എത്തിയത്. കഴിഞ്ഞ പ്രീമിയർ ലീഗിൽ മാത്രമായി 22 ഗോളുകളും 11 അസിസ്റ്റുകളും ആണ് അദ്ദേഹം ടീമിനായി നേടിയത്. പ്രീമിയർ ലീഗിലെ ഏറ്റവും മികച്ച യുവതാരത്തിനുള്ള പുരസ്‌കാരം സ്വന്തമാക്കിയത് അദ്ദേഹം ആയിരുന്നു.
പുരസ്‌കാര ചടങ്ങിന് ശേഷം അദ്ദേഹം മാധ്യമങ്ങളോട് സംസാരിച്ചിരുന്നു. ലോകത്തിൽ ഏറ്റവും മികച്ച താരം ആരാണ് എന്ന ചോദ്യം അദ്ദേഹത്തോട് ചോദിക്കപ്പെട്ടിരുന്നു. അദ്ദേഹം തിരഞ്ഞെടുത്ത താരം അർജന്റീനൻ ഇതിഹാസമായ ലയണൽ മെസി ആണ്. കൂടാതെ ഏറ്റവും മികച്ച സ്ട്രൈക്കെർ ആരാണെന്നും അദ്ദേഹത്തോട് ചോദിച്ചിരുന്നു. അതിൽ ക്രിസ്റ്റ്യാനോ റൊണാൾഡോ ആണെന്നാണ് അദ്ദേഹത്തിന്റെ ഉത്തരം. ഡ്രിബ്ലിങ്ങിന്റെ കാര്യത്തിൽ ഏറ്റവും മികച്ച താരം നെയ്മർ ആണെന്നും അദ്ദേഹം വ്യക്തമാക്കി.
നിലവിലെ ഏറ്റവും മികച്ച ഗെയിം ചേഞ്ചർ ആരാണെന്നുള്ള ചോദ്യത്തിൽ അദ്ദേഹം എംബാപ്പയുടെ പേരാണ് പറഞ്ഞത്. കൂടാതെ ബ്രസീലിയൻ താരം വിനീഷ്യസ് ജൂനിയറിനും പരിഗണന കൊടുത്തു. ഈ കാര്യങ്ങളാണ് കോൾ പാൽമർ മാധ്യമങ്ങളോട് പറഞ്ഞത്. ഏതൊക്കെ താരങ്ങളുടെ പേരുകൾ പറഞ്ഞാലും, പാൽമർ അവർക്കെല്ലാം മുകളിൽ പരിഗണിക്കുന്ന താരം ലയണൽ മെസി ആണ്.
