അശ്വിന് ഗണേഷും ദിയ കൃഷ്ണയും വിവാഹത്തിലൂടെ ഒന്നായിരിക്കുകയാണ്. ബെസ്റ്റ് ഫ്രണ്ടിനെ ജീവിതപങ്കാളിയായി കിട്ടുന്നത് വളരെ നല്ല കാര്യമാണെന്നായിരുന്നു ദിയ പറഞ്ഞത്. ഞങ്ങളിപ്പോഴും അതേപോലെ തന്നെയാണ്. കല്യാണം കഴിഞ്ഞെന്ന് കരുതി ബഹുമാനപ്പെട്ട അശ്വിന് അവര്‍കള്‍ അറിയാന്‍ എന്ന സ്റ്റൈലിലേക്കൊന്നും മാറാന്‍ തന്നെക്കൊണ്ട് കഴിയില്ലെന്ന് ദിയ തുറന്നുപറഞ്ഞിരുന്നു.
ബഹുമാനിക്കേണ്ടവരെ ബഹുമാനിക്കാറുള്ള വ്യക്തിയാണ് താന്‍ എന്ന് അശ്വിന് നന്നായി അറിയാവുന്നതാണെന്നും ദിയ പറഞ്ഞിരുന്നു. കല്യാണം കഴിഞ്ഞ ശേഷം അച്ഛനും അമ്മയ്ക്കുമൊപ്പമായി അശ്വിനും ദിയയും ഡല്‍ഹിയിലേക്ക് പോയിരുന്നു. തനിക്ക് പ്രിയപ്പെട്ടവര്‍ക്കായി കൃഷ്ണകുമാര്‍ സ്‌നേഹവിരുന്ന് നടത്തിയിരുന്നു. ബോളിവുഡ് സ്‌റ്റൈലിലായിരുന്നു അന്ന് ദിയ എത്തിയത്. മകളുടെയും മരുമകന്റെയും കാര്യങ്ങളെല്ലാം നോക്കി സിന്ധു കൃഷ്ണയും ഇവരോടൊപ്പമുണ്ടായിരുന്നു.
ഡല്‍ഹിയില്‍ നിന്നും തിരിച്ചെത്തിയതിന് ശേഷമായി കുടുംബസമേതം ഓണം ആഘോഷിക്കുകയായിരുന്നു എല്ലാവരും. അശ്വിന്റെ കുടുംബവും കൂടെയുണ്ടായിരുന്നു. പതിവ് പോലെ ഇത്തവണയും സദ്യ ഹോട്ടലില്‍ നിന്നായിരുന്നു. കുറച്ച് വര്‍ഷങ്ങളായി ഓണത്തിന് ഇതാണ് പതിവെന്ന് എല്ലാവരും പറഞ്ഞിരുന്നു.
ഓണം കഴിഞ്ഞതിന് ശേഷമായാണ് എല്ലാവരും കൂടെ ബാലിയിലേക്ക് പോയത്. ബാലി യാത്രയ്ക്കിടയിലെ വിശേഷങ്ങള്‍ എല്ലാവരും സോഷ്യല്‍മീഡിയയിലൂടെ പങ്കിടുന്നുണ്ട്. ദിയയുടെ ഐഡിയ പ്രകാരം ഒരു രസത്തിനായി ഡാന്‍സ് ചെയ്തുവെന്ന് കൃഷ്ണകുമാറും പറഞ്ഞിരുന്നു. തലൈവര്‍ ട്രെന്‍ഡിനൊപ്പമായി ഞങ്ങളും എന്ന ക്യാപ്ഷനോടെയായിരുന്നു ദിയയും അശ്വിനും അച്ഛനും അമ്മയ്ക്കുമൊപ്പമുള്ള ഡാന്‍സ് വീഡിയോ പങ്കുവെച്ചത്.
ബാലി ട്രിപ്പിലെ മറ്റൊരു വിശേഷം പങ്കിട്ടിരിക്കുകയാണ് ഇവരിപ്പോള്‍. ഭാര്യയ്‌ക്കൊപ്പം ഊഞ്ഞാലാടുന്നതിന്റെ ചിത്രമായിരുന്നു അശ്വിന് പങ്കുവെച്ചത്. ദിയയുടെ നെറ്റിയില്‍ ചുംബിക്കുന്ന അശ്വിനെയാണ് ചിത്രത്തില്‍ കാണുന്നത്. ചിത്രത്തിന് താഴെയായി ആദ്യം കമന്റുമായെത്തിയത് ദിയ ആയിരുന്നു. അഹാനയാണ് ഞങ്ങളുടെ ചിത്രം പകര്‍ത്തിയതെന്നും അശ്വിന് വ്യക്തമാക്കിയിട്ടുണ്ട്. ഊഞ്ഞാല്‍ എന്ന ക്യാപ്ഷനോടെയായി അശ്വിന് പകര്‍ത്തിയ ചിത്രങ്ങള്‍ ദിയയും പോസ്റ്റ് ചെയ്തിട്ടുണ്ട്.
ഒന്നിച്ച് ഊഞ്ഞാലാടുന്ന ചിത്രങ്ങള്‍ കൃഷ്ണകുമാറും സിന്ധുവും പങ്കുവെച്ചിരുന്നു. മനോഹരമായ ബാലി കാഴ്ചകള്‍ അഹാനയും ഇന്‍സ്റ്റഗ്രാമിലൂടെ പങ്കുവെച്ചിരുന്നു. നിമിഷനേരം കൊണ്ട് തന്നെ ചിത്രങ്ങളെല്ലാം വൈറലായിക്കഴിഞ്ഞിട്ടുണ്ട്. ഓണച്ചിത്രങ്ങളായിരുന്നു ഹന്‍സിക ഒടുവിലായി പങ്കുവെച്ചിട്ടുള്ളത്. കോളേജിലെ ഓണം സെലിബ്രേഷന്‍ വീഡിയോയും പങ്കുവെച്ചിരുന്നു. ബാലി വിശേഷങ്ങള്‍ എപ്പോഴാണ് കാണിക്കുന്നതെന്നാണ് ആരാധകരുടെ ചോദ്യങ്ങള്‍. കൃഷ്ണകുമാറായിരുന്നു കുടുംബസമേതം ബാലിയില്‍ എത്തിയ വിശേഷം ആദ്യം പങ്കുവെച്ചത്.
