പുഷ്പരാജിനൊപ്പം രാജമൗലിയും? സൂപ്പര്‍ സംവിധായകന്റെ കാമിയോ പ്രതീക്ഷിച്ച് ആരാധകര്‍! സംഭവം ഇതാണ്..

പുഷ്പരാജിനൊപ്പം രാജമൗലിയും? സൂപ്പര്‍ സംവിധായകന്റെ കാമിയോ പ്രതീക്ഷിച്ച് ആരാധകര്‍! സംഭവം ഇതാണ്..

അല്ലു അര്‍ജുന്‍ നായകനാകുന്ന ‘പുഷ്പ 2’ സെറ്റില്‍ അപ്രതീക്ഷിത അതിഥിയായി എത്തി സംവിധായകന്‍ എസ്എസ് രാജമൗലി. സംവിധായകന്‍ സുകുമാറും ഛായാഗ്രാഹകനായ മിറോസ്ലാവ് കുബ ബ്രോസെക്കും നില്‍ക്കുന്ന രാജമൗലിയുടെ ചിത്രം നിര്‍മ്മാതാക്കളായ മൈത്രി മൂവി മേക്കേഴ്സ് ട്വീറ്റ് ചെയ്തത് നിമിഷ നേരം കൊണ്ട് സോഷ്യല്‍മീഡിയ ഏറ്റെടുത്തിരിക്കുകയാണ്.

”പുഷ്പയുടെ സെറ്റില്‍ നിന്നുള്ള ഒരു ഐക്കണിക്ക് ചിത്രം. ഇന്ത്യന്‍ സിനിമയുടെ അഭിമാനം എസ് എസ് രാജമൗലി ഇന്ത്യന്‍ സിനിമയുടെ ഏറ്റവും വലിയ മാസ് സിനിമയുടെ സെറ്റുകള്‍ സന്ദര്‍ശിച്ചപ്പോള്‍” എന്ന് കുറിച്ചു കൊണ്ടാണ് മൈത്രി മൂവി മേക്കേഴ്സ് ചിത്രം പങ്കുവെച്ചിരിക്കുന്നത്.

‘സംവിധായകരുടെ ബാഹുബലി’ തന്റെ സെറ്റിലെത്തി എന്ന് കുറിച്ചുകൊണ്ടാണ് സുകുമാര്‍ ഇന്‍സ്റ്റഗ്രാമില്‍ തന്റെ സന്തോഷം പങ്കുവച്ചിരിക്കുന്നത്. ”പുഷ്പ 2 ന്റെ സെറ്റില്‍ വച്ച് രാജമൗലി ഗാരുവിനെ കാണാന്‍ കഴിഞ്ഞത് മറക്കാനാവാത്തൊരു അനുഭവമായിരുന്നു. അദ്ദേഹത്തിന്റെ സാന്നിധ്യം സെറ്റിനെ കൂടുതല്‍ ഊര്‍ജ്ജസ്വലമാക്കി” എന്നാണ് ചിത്രം പങ്കുവച്ച് സുകുമാര്‍ കുറിച്ചത്.

ഇതോടെ പുഷ്പ 2വില്‍ അല്ലു അര്‍ജുനൊപ്പം രാജമൗലിയും എത്തുമോ എന്നാണ് ആരാധകര്‍ ചോദിക്കുന്നത്. പ്രഭാസ് ചിത്രം ‘കല്‍ക്കി’യില്‍ ഒരു ചെറിയ റോളില്‍ രാജമൗലി പ്രത്യക്ഷപ്പെട്ടിരുന്നു. ഈ കാമിയോ റോള്‍ പ്രേക്ഷകര്‍ ഏറ്റെടുക്കുകയും ചെയ്തിരുന്നു. അതുപോലെ പുഷ്പ 2വിലും രാജമൗലി എത്തുമോ എന്നാണ് പ്രേക്ഷകര്‍ ചോദിക്കുന്നത്.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *