മുംബെെ: Thane integral Ring Metro Rail Project, താനെ നഗരത്തിന്റെ മുഖചാര മാറ്റാൻ പോകുന്ന പദ്ധതിയാണ് താനെ റിങ് മെട്രോ പദ്ധതി. 2018ൽ പ്രധാനമന്ത്രി നരേന്ദ്ര മോദി പദ്ധതിക്ക് തറക്കല്ലിട്ടെങ്കിലും പദ്ധതിയുടെ ചെലവ് കൂടുതൽ ആയത് കാരണം നടന്നില്ല. പ്രവർത്തനങ്ങൾ നിർത്തിവെക്കുകയായിരുന്നു. ഇപ്പോൾ നിയമസഭാ തെരഞ്ഞെടുപ്പിനായി മുംബെെ ഒരുങ്ങുമ്പോൾ താനെ റിങ് മെട്രോ പദ്ധതിയുടെ പ്രവർത്തനങ്ങൾ വീണ്ടും സജീവമാകുന്നു.
കഴിഞ്ഞ മാസം പദ്ധതിയുടെ അംഗീകരത്തിനായി വീണ്ടും കരട് രേഖ സമർപ്പിച്ചിരുന്നു. കേന്ദ്ര മന്ത്രിസഭ പദ്ധതിക്ക് അംഗീകാരം നൽകി. പാതിവഴിയിൽ ഉപേക്ഷിക്കപ്പെട്ട താനെ റിങ് മെട്രോ പദ്ധതിയുടെ പ്രവർത്തനങ്ങൾ വീണ്ടും മുന്നോട്ടു കൊണ്ടുവരുകയാണ്. താനെ നിവാസിയായ മുഖ്യമന്ത്രി ഏക്നാഥ് ഷിൻഡെയുടെ അഭിമാന പദ്ധതികൂടിയാണിത്. വർഷം തികയുന്നതിന് മുമ്പ് തന്നെ പദ്ധതി അതിവേഗം നിർമ്മാണ് പൂർത്തിയാക്കി ആരംഭിക്കാൻ ആണ് ലക്ഷ്യം വെക്കുന്നത്.
12,200 കോടി രൂപ ചെലവ് പ്രതീക്ഷിക്കുന്ന പദ്ധതിയാണ് താനെ റിങ് മെട്രോ പദ്ധതി. കേന്ദ്ര–സംസ്ഥാന സർക്കാരുകൾ ചേർന്നാണ് പദ്ധതിക്ക് പണം മുടക്കേണ്ടത്. 29 കിലോമീറ്റർ പാതയിൽ 26 കിലോമീറ്റർ എലിവേറ്റഡ് പാതയും 3 കിലോമീറ്റർ ഭൂഗർഭ പാതയും ആണ് നിർമ്മാൻ ഉദ്യേശിക്കുന്നത്. അഞ്ച് വർഷത്തിനുള്ളിൽ പണി പൂർത്തിയാക്കാൻ ആണ് തീരുമാനം. പദ്ധതിയുടെ നിർമാണച്ചുമതല മഹാരാഷ്ട്ര മെട്രോ റെയിൽ കോർപറേഷൻ ലിമിറ്റഡിനാണ്
പദ്ധതി പൂർത്തിയാക്കുന്നതോടെ താനെ നഗരത്തിലെ ആറ് ലക്ഷം ആളുകൾക്ക് പദ്ധതിയുടടെ ഗുണം ചെയ്യും. 2035നകം 7 ലക്ഷം യാത്രക്കാരെയാണ് പിന്നീട് ഇതിലൂടെ പ്രതീക്ഷിക്കുന്നത്. മെട്രോ 4 (വഡാല– കാസർവാഡാവ്‌ലി), മെട്രോ 5 (ഭിവണ്ടി– കല്യാൺ) എന്നിവയുമായി ബന്ധിപ്പിച്ചാണ് നിർമ്മാണം. അതുകൊണ്ട് കൂടുതൽ യാത്രക്കാർക്ക് ഇതിനന്റെ ഗുണം ലഭിക്കും.
22 സ്റ്റേഷനുകൾ ആണ് ഉണ്ടായിരിക്കുക. റബോഡി, ബാൽകം, മനോരമ ജംക് ഷൻ, കൊൽഷേഠ്, പട്‌ലിപാഡ, വാഗ്‌ബിൽ, വിജയ്നഗരി, മാൻപാഡ, ശിവാജി നഗർ, വാഗ്ലെ എസ്റ്റേറ്റ് എന്നിവയാണ് പ്രധാനപ്പെട്ട സ്റ്റേഷനുകൾ. താനെ ജംക്‌ഷൻ, ന്യു താനെ എന്നീ ഭൂഗർഭ സ്റ്റേഷനുകൾ ആയിരിക്കും. ഇതെല്ലാം ഉൾപ്പെടിത്തിയാണ് 22 സ്റ്റേഷനുകൾ ഉണ്ടാകുക. താനെ മെട്രോയുടെ നിരക്ക് എത്രയായിരിക്കും എന്നത് സംബന്ധിച്ച വിവരങ്ങൾ ഒന്നും പുറത്തുവന്നിട്ടില്ല. മുംബൈയിലെ മെട്രോ ശൃംഖലയുമായി ടിക്കറ്റ് സംയോജിപ്പിച്ചേക്കും.
