തൃഷ കൃഷ്ണ മോഡലിങിലൂടെ സിനിമാ ലോകത്തേക്ക് എത്തിയിട്ട് കാല്‍ നൂറ്റാണ്ട് പിന്നിടുന്നു. നായികമാര്‍ക്ക് പഠനത്തിനും വിവാഹത്തിനും ഇടയിലുള്ള ചെറിയൊരു കാലയളവ് മാത്രമാണ് സിനിമ എന്ന് പറഞ്ഞു തുടങ്ങുന്ന തൊണ്ണൂറുകളുടെ അവസാനത്തില്‍ ആയിരുന്നു തൃഷയുടെ സിനിമ പ്രവേശനം. എന്നാല്‍ 25 വര്‍ഷങ്ങള്‍ക്കിപ്പുറം ഇന്നും സൗത്ത് ഇന്ത്യന്‍ സിനിമാ ലോകത്തെ റാണിയായി, നമ്പര്‍ വണ്‍ നായികയായ തൃഷ കൃഷ്ണ നിറഞ്ഞു നില്‍ക്കുന്നു.
വയസ്സ് 41 പിന്നിടുമ്പോഴും തൃഷ കൃഷ്ണന്‍ എങ്ങെയാണ് ഈ സൗന്ദര്യം നിലനിര്‍ത്തുന്നത്, എന്താണ് തൃഷയുടെ സൗന്ദര്യത്തിന്റെയും ആരോഗ്യത്തിന്റെയും രഹസ്യം എന്ന് പലര്‍ക്കും സംശയമാണ്. എന്നാല്‍ പലപ്പോഴായി തൃഷ തന്നെ അക്കാര്യം തുറന്ന് സംസാരിച്ചിട്ടുണ്ട്.
ഒരു ചാനല്‍ ഷോയില്‍ ‘എങ്ങനെ ഇത്രയും സുന്ദരിയായി നില്‍ക്കുന്നു’ എന്ന ചോദ്യത്തിന്, അതൊരു കോംപ്ലിമെന്റായി സന്തോഷത്തോടെ ഞാന്‍ സ്വീകരിക്കുന്നു. എങ്ങനെ സുന്ദരിയായി എന്ന് ചോദിച്ചാല്‍ പറയാന്‍ എനിക്കറിയില്ല. അത് ജെനിറ്റിക് ആണ്. പിന്നെ സന്തോഷത്തോടെ ഇരിക്കുന്നു. മനസ്സിന്റെ സന്തോഷമാണ്, മുഖത്തെ സൗന്ദര്യം എന്നായിരുന്നു തൃഷയുടെ മറുപടി.
സോഷ്യല്‍ മീഡിയയിലെ ഒരു ക്യു ആന്റ് എ സെഗ്മെന്റിലും ഈ ചോദ്യത്തിന് തൃഷ പ്രതികരിച്ചിരുന്നു. ഞാന്‍ എന്നെ നന്നായി പരിപാലിക്കും. വ്യക്തിപരമായും, പ്രൊഫഷണലി ആയാലും അത് അത്യാവശ്യമാണ്. നല്ല ഉറക്കം, കൃത്യമായ ഭക്ഷണം, വ്യായാമം ഇതൊക്കെ തന്നെയാണ് ചെയ്യുന്നത്. അതിനൊപ്പം സന്തോഷത്തിനും ഞാന്‍ വളരെ അധികം പ്രാധാന്യം നല്‍കുന്നു എന്ന് തൃഷ പറയുന്നു.
ഒരു വ്യക്തിയുടെ മനസ്സില്‍ എന്താണോ, എന്ത് അവസ്ഥയിലൂടെയാണോ കടന്ന് പോകുന്നത് അത് മുഖത്ത് പ്രതിഫലിക്കും എന്നതില്‍ ഞാന്‍ വളരെ അധികം വിശ്വസിക്കുന്നു. ഏതൊരവസ്ഥയിലും എന്നെ സന്തോഷത്തോടെ വയ്ക്കാന്‍ ഞാന്‍ ശ്രദ്ധിക്കാറുണ്ട് എന്നും തൃഷ് പറഞ്ഞു.
ലിയോ എന്ന ചിത്രത്തിലാണ് ഏറ്റവുമൊടുവിൽ തൃഷ നായികയായി എത്തിയത്. അതിന് ശേഷം റിലീസായ വിജയ് യുടെ ഗോട്ടിലെ അതിഥി വേഷവും ശ്രദ്ധേയമായിരുന്നു. തമിഴിലും മലയാളത്തിലും തെലുങ്കിലുമായി ഒരുപിടി നല്ല സിനിമകളുമായി തിരക്കിലാണിപ്പോൾ തൃഷ. കമൽ ഹസനൊപ്പമുള്ള തഗ്ഗ് ലൈഫും മോഹൻലാലിനൊപ്പമുള്ള റാമും എല്ലാം അതിൽ പെടുന്നു.
