രണ്ട് പ്രധാന യുഎസ് പ്രസിഡൻ്റ് സ്ഥാനാർത്ഥികളെയും വിമർശിച്ച് ഫ്രാൻസിസ് മാർപാപ്പ. നവംബറിലെ തെരഞ്ഞെടുപ്പിൽ വോട്ട് രേഖപ്പെടുത്തുമ്പോൾ “കുറച്ച് തിന്മ” തിരഞ്ഞെടുക്കാൻ കത്തോലിക്ക വോട്ടർമാരെ ഉപദേശിക്കുകയും ചെയ്തു. കുടിയേറ്റക്കാരെ സ്വാഗതം ചെയ്യാത്തത് ആണ് ട്രംപിനെ വിമർശിക്കാൻ കാരണം ആയതെങ്കിൽ ഗർഭഛിദ്രത്തെ അനുകൂലിക്കുന്ന കമല ഹാരിസിന്റെ നിലപാടാണ് മാർപാപ്പയുടെ വിമർശനത്തിന് ഇടയാക്കിയത്.
രണ്ട് പേരുടെയും പേര് എടുത്ത് പറയാതെ ആയിരുന്നു മാർപ്പാപ്പ വിമർശിച്ചത് എന്നതാണ് ശ്രദ്ധിക്കേണ്ട കാര്യം. “ഇരുവരും ജീവിതത്തിന് എതിരാണ്, അത് കുടിയേറ്റക്കാരെ പുറത്താക്കുന്നവരായാലും, അല്ലെങ്കിൽ കുഞ്ഞുങ്ങളെ കൊല്ലുന്നവരായാലും,” തെക്കുകിഴക്കൻ ഏഷ്യയിലൂടെ 12 ദിവസത്തെ പര്യടനം പൂർത്തിയാക്കിയ വെള്ളിയാഴ്ച വാർത്താ സമ്മേളനത്തിൽ അപൂർവ രാഷ്ട്രീയ അഭിപ്രായങ്ങളിൽ മാർപ്പാപ്പ ഇങ്ങനെ പറഞ്ഞു.
വിമാനത്തിനുള്ളിലെ വാർത്താ സമ്മേളനത്തിൽ കത്തോലിക്കാ വോട്ടർമാരെ ഉപദേശിക്കാൻ ഫ്രാൻസിസ് മാർപാപ്പയോട് ആവശ്യപ്പെടുകയും താൻ ഒരു അമേരിക്കക്കാരനല്ലെന്നും തിരഞ്ഞെടുപ്പിൽ വോട്ട് ചെയ്യില്ലെന്നും തൻ്റെ പരാമർശത്തിൽ കുറിച്ചു. എന്നാൽ അദ്ദേഹം അമേരിക്കക്കാരെ വോട്ട് ചെയ്യാൻ പ്രോത്സാഹിപ്പിച്ചു.
“വോട്ട് ചെയ്യാത്തത് മോശമാണ്, അത് നല്ലതല്ല, നിങ്ങൾ വോട്ട് ചെയ്യണം,” അദ്ദേഹം പറഞ്ഞു.”നിങ്ങൾ കുറഞ്ഞ തിന്മ തിരഞ്ഞെടുക്കണം. ആരാണ് കുറഞ്ഞ തിന്മ? ആ സ്ത്രീയോ, അതോ ആ മാന്യനോ? എനിക്കറിയില്ല. എല്ലാവരും, മനസ്സാക്ഷിയോടെ, ഇത് ചിന്തിക്കുകയും ചെയ്യണം.” ഗർഭച്ഛിദ്രത്തെ മാർപാപ്പ നിശിതമായ ഭാഷയിൽ വിമർശിച്ചിട്ടുണ്ട്.
അമ്മയുടെ ഉദരത്തിൽ നിന്ന് കുഞ്ഞിനെ നിർബന്ധിക്കുന്നത് കൊലപാതകമാണ്, കാരണം അവിടെ ജീവനുണ്ട്, ഫ്രാൻസിസ് പറഞ്ഞു. ഇതാദ്യമായല്ല ട്രംപിനെതിരെ വിമർശനം ഉന്നയിക്കുന്നത്. 2016 ലെ തിരഞ്ഞെടുപ്പിൽ, പ്രസിഡൻ്റ് സ്ഥാനാർത്ഥിയുടെ കുടിയേറ്റ വിരുദ്ധ ഭാഷ കാരണം അദ്ദേഹം ട്രംപിനെ “ക്രിസ്ത്യാനിയല്ല” എന്ന് വിശേഷിപ്പിച്ചു.
