ലോകത്തിലെ ഏറ്റവും മികച്ച ഫുട്ബോൾ താരമാണ് ക്രിസ്റ്റ്യാനോ റൊണാൾഡോ. 900 ഗോളുകൾ നേടുന്ന ആദ്യ ഫുട്ബോൾ താരമെന്ന റെക്കോഡ് ആണ് അദ്ദേഹം ഇപ്പോൾ നേടിയിരിക്കുന്നത്. അദ്ദേഹത്തിന്റെ കരിയറിൽ റൊണാൾഡോ ഒരുപാട് താരങ്ങളെ പ്രോത്സാഹിപ്പിച്ച് മുൻപിലേക്ക് കൊണ്ട് വന്നിട്ടുണ്ട്. അത് പോലെ മുൻപിലേക്ക് വന്ന താരമാണ് ഡേയാൻ കുലുസെവ്സ്ക്കി. യുവന്റസിൽ വെച്ച് ഇരുവരും കളിച്ചിട്ടുള്ളവരാണ്. ഇംഗ്ലീഷ് പ്രീമിയർ ലീഗ് ക്ലബ്ബായ ടോട്ടൻഹാമിന് വേണ്ടിയാണ് കുലുസെവ്സ്ക്കി ഇപ്പോൾ കളിച്ചുകൊണ്ടിരിക്കുന്നത്.
മികച്ച ഫോമിലാണ് കുലുസെവ്സ്ക്കി കളിക്കുന്നത്. ഒരു സമയത്ത് അദ്ദേഹം മികച്ച പ്രകടനം നടത്താൻ സാധിച്ചിരുന്നില്ല. ആ സമയത്ത് തനിക്ക് വേണ്ട ഉപദേശങ്ങൾ നൽകിയതും ഭാവിയിൽ മികച്ച മത്സരങ്ങൾ കളിക്കാൻ വേണ്ടിയുള്ള പ്രോത്സാഹനവും നൽകിയത് റൊണാൾഡോ ആണെന്ന് പറഞ്ഞിരിക്കുകയാണ് അദ്ദേഹം.
ഡേയാൻ കുലുസെവ്സ്ക്കി പറയുന്നത് ഇങ്ങനെ:
” ഞാൻ ഇപ്പോൾ എന്റെ ശരീരത്തെ അറിഞ്ഞു തുടങ്ങിയിട്ടുണ്ട്. യുവതാരമായിരുന്ന സമയത്ത് റൊണാൾഡോ എനിക്ക് ഒരു ഉപദേശം നൽകിയിരുന്നു. എന്റെ ബോഡിയെ അറിയാനായിരുന്നു അദ്ദേഹം എന്നോട് പറഞ്ഞിരുന്നത്. എന്നാൽ അന്ന് എനിക്കത് മനസ്സിലായില്ല. എനിക്ക് എന്റെ ശരീരത്തെക്കുറിച്ച് അന്ന് അറിവില്ലായിരുന്നു. പക്ഷേ ഇപ്പോഴാണ് അത് പിടികിട്ടിയത്. എന്നെ രക്ഷിച്ചത് റൊണാൾഡോയാണ്. അത് ഒരിക്കലും ഞാൻ മറക്കില്ല”
ഡേയാൻ കുലുസെവ്സ്ക്കി തുടർന്നു:
“എന്റെ കരുത്തിനെക്കുറിച്ചും ബലഹീനതയെക്കുറിച്ചും കൃത്യമായ ധാരണ എനിക്കിപ്പോൾ ഉണ്ട്. എങ്ങനെയാണ് ഇംപ്രൂവ് ആവുക എന്നുള്ളത് മനസ്സിലായി. അതുകൊണ്ടുതന്നെ ഇപ്പോൾ എല്ലാം എനിക്ക് എളുപ്പമായി തോന്നുന്നു” ഡേയാൻ കുലുസെവ്സ്ക്കി പറഞ്ഞു.
