ലാലിഗയിൽ ഏറ്റവും മികച്ച തുടക്കം കിട്ടിയിട്ടും കാര്യമായ പ്രയോജനം നടത്താൻ സാധികാത്ത ടീമായി മാറിയിരിക്കുകയാണ് റയൽ മാഡ്രിഡ്. ലോകത്തിലെ ഏറ്റവും മികച്ച ക്ലബ് ടീം എന്ന വിശേഷണം കിട്ടിയിട്ടും ഇപ്പോൾ ഏത് ചെറിയ ടീമിന് വേണമെങ്കിൽ വന്നു തോൽപ്പിച്ചിട്ട് പോകാം എന്ന അവസ്ഥയിലായി കാര്യങ്ങൾ. വിവിധ രാജ്യങ്ങളിലെ ഏറ്റവും മികച്ച താരങ്ങളായ ജൂഡ് ബെല്ലിങ്‌ഹാം, വിനീഷ്യസ് ജൂനിയർ, കിലിയൻ എംബപ്പേ, എൻഡ്രിക്ക് എന്നിവർ ഉണ്ടായിട്ടും ടീമിന് മികച്ച പ്രകടനം പുറത്തെടുക്കാൻ സാധിക്കുന്നില്ല. എ.സി മിലാനെതിരെ നടന്ന മത്സരത്തിൽ ഒന്നിനെതിരെ മൂന്നു ഗോളുകൾക്കാണ് റയൽ പരാജയപ്പെട്ടത്.
കിലിയൻ എംബപ്പേയെ വിമർശിച്ച് കൊണ്ട് രംഗത്ത് എത്തിയിരിക്കുകയാണ് റയൽ പിഎസ്ജി മുൻ സ്പോർട്ടിംഗ് ഡയറക്ടറായിരുന്ന ലിയനാർഡോ. 2021 ഇൽ റയൽ എംബാപ്പയെ സ്വന്തമാക്കാൻ വേണ്ടി പിഎസ്ജിയെ സമീപിച്ചിരുന്നു, എന്നാൽ അന്ന് താരത്തിനെ വിൽക്കാൻ ക്ലബ് തയ്യാറല്ലായിരുന്നു. അന്ന് എംബാപ്പയെ വിൽക്കണമായിരുന്നു എന്നാണ് അദ്ദേഹം പറയുന്നത്.
ലിയനാർഡോ പറയുന്നത് ഇങ്ങനെ:
“ഞാൻ എപ്പോഴും അതിനെതിരെയായിരുന്നു. യഥാർത്ഥത്തിൽ എംബപ്പേയെ 2021ൽ തന്നെ പിഎസ്ജി വിൽക്കണമായിരുന്നു. അന്ന് റയൽ മാഡ്രിഡ് ഒരു ഓഫർ നൽകിയിരുന്നു. പക്ഷേ താരത്തെ വിൽക്കാൻ അവർ സമ്മതിച്ചില്ല. എന്നാൽ എംബപ്പേ പോയി എന്ന് കരുതി പിഎസ്ജി തകരാനൊന്നും പോകുന്നില്ല. ഒരു താരം പോയാൽ ഒരു ഇൻസ്റ്റിറ്റ്യൂഷൻ ഒരിക്കലും തകരില്ല. ക്ലബ്ബിനെക്കാൾ മുകളിൽ നിൽക്കുന്ന മറ്റൊന്നും തന്നെ ഇവിടെയില്ല ”ലിയനാർഡോ പറഞ്ഞു.
എംബാപ്പയുടെ പ്രകടനത്തെ വിമർശിച്ച് കൊണ്ട് ഒരുപാട് ആരാധകരും താരങ്ങളും രംഗത്ത് എത്തുകയാണ്. 15 മത്സരങ്ങൾ കളിച്ചിട്ട് 8 ഗോളുകൾ മാത്രമാണ് നേടാൻ കഴിഞ്ഞിട്ടുള്ളത്. കേവലം 5 ഓപ്പൺ പ്ലേ ഗോളുകൾ മാത്രമാണ് അദ്ദേഹം നേടിയിട്ടുള്ളത്. ഇനിയും ഗംഭീര പ്രകടനം അദ്ദേഹം നടത്തിയില്ലെങ്കിൽ ടീമിലെ സ്ഥാനം പോകാനുള്ള സാധ്യത കൂടും എന്നാണ് ആരാധകർ വിലയിരുത്തുന്നത്.
