നിലവിൽ ഏതെങ്കിലും ഫുട്ബോൾ താരത്തിന് മോശം സമയമുണ്ടെങ്കിൽ അതിൽ മുൻപന്തിയിൽ നിൽക്കുന്ന താരമാണ് ബ്രസീൽ താരമായ നെയ്മർ ജൂനിയർ. പരിക്ക് കാരണം ഒരു വർഷത്തോളമാണ് അദ്ദേഹം കളിക്കളത്തിൽ നിന്നും മാറി നിന്നത്. അതിലൂടെ കോപ്പ അമേരിക്ക അടക്കം നിരവധി ടൂർണമെന്റുകളും അദ്ദേഹത്തിന് നഷ്ട്ടമായി. പരിക്കിൽ നിന്നും മുക്തി നേടിയ ശേഷം നെയ്മർ കുറച്ച് ആഴ്ചകൾ മാത്രമേ ആയുള്ളൂ അൽ ഹിലാലിന്റെ കൂടെ ജോയിൻ ചെയ്തിട്ട്. എന്നാൽ വീണ്ടും അദ്ദേഹത്തിന് പരിക്ക് ഏറ്റു.
പരിക്കിൽ നിന്നും പൂർണമായും മുക്തനാവാൻ അദ്ദേഹത്തിന് ഇതുവരെ കഴിഞ്ഞിട്ടില്ല. വരുന്ന സമ്മറിൽ അൽ ഹിലാലുമായുള്ള നെയ്മറിന്റെ കോൺട്രാക്ട് അവസാനിക്കും. ഈ കരാർ ക്ലബ്ബ് പുതുക്കുമോ ഇല്ലയോ എന്നുള്ള കാര്യത്തിൽ വ്യക്തതകൾ കൈവന്നിട്ടില്ല. താരം വരുന്ന സമ്മറിൽ അമേരിക്കൻ ക്ലബ്ബായ ഇന്റർമയാമിയിലേക്കെത്തും എന്നുള്ള റൂമറുകൾ സജീവമാണ്. അതിനെ കുറിച്ച് മുൻ അമേരിക്കൻ താരമായ ഹെർക്കുലീസ് ഗോമസ് സംസാരിച്ചു.
ഹെർക്കുലീസ് ഗോമസ് പറയുന്നത് ഇങ്ങനെ:
” നെയ്മർ ഇന്റർമയാമിയിലേക്ക് വരാൻ ആഗ്രഹിക്കുന്നു എന്നുള്ളത് മാത്രമല്ല, മറിച്ച് അദ്ദേഹത്തിന് അത് ആവശ്യമാണ്. മെസിക്കും സുഹൃത്തുക്കളോടൊപ്പവും ചേർന്നാൽ മാത്രമേ നെയ്മർക്ക് തന്റെ പഴയ മികവ് കണ്ടെടുക്കാൻ സാധിക്കുകയുള്ളൂ. ഇന്റർമയാമിയിലേക്ക് വരുന്നതാണ് അദ്ദേഹത്തിന് നല്ലത്. സുവാരസ്‌ ഇപ്പോൾ ചെയ്യുന്നത് നോക്കൂ. മികച്ച പ്രകടനം അദ്ദേഹം നടത്തുന്നുണ്ട്. നെയ്മർക്കും അതുപോലെ മികച്ച പ്രകടനം നടത്താൻ കഴിയും. മാത്രമല്ല അത് ബ്രസീലിന്റെ ദേശീയ ടീമിന് ഉപകാരപ്പെടുകയും ചെയ്യും “ ഹെർക്കുലീസ് ഗോമസ് പറഞ്ഞു.
വളരെ കുറച്ച് മത്സരങ്ങൾ മാത്രമാണ് നെയ്മർ അൽ ഹിലാലിന്‌ വേണ്ടി കളിച്ചിരിക്കുന്നത്. അതിൽ ആരാധകർ നിരാശയിലാണ്. ക്രിസ്റ്റ്യാനോ റൊണാൾഡോ അടക്കം നിരവധി താരങ്ങളാണ് സൗദി ലീഗിൽ തകർപ്പൻ പ്രകടനം നടത്തുന്നത്. അൽ ഹിലാൽ ആരാധകർ നെയ്മറിൽ
ഒരുപാട് പ്രതീക്ഷകൾ അർപ്പിച്ചിരുന്നു. അടുത്ത സമ്മർ ട്രാൻസ്ഫറിൽ വിനീഷ്യസ് ജൂനിയറിനെ കൊണ്ട് വരാനുള്ള പദ്ധതിയും ടീം മാനേജ്‌മന്റ് തയ്യാറാകുന്നുണ്ട്.
