മണിക്കൂറുകൾ നീണ്ട തിരച്ചിലിനൊടുവിൽ കോതമംഗലം കുട്ടമ്പുഴയിൽ വനത്തിൽ കാണാതായ 3 സ്ത്രീകളെയും കണ്ടെത്തി. 6 കിലോമീറ്റർ ദൂരത്തായി അറക്കമുത്തി ഭാഗത്താണ് സ്ത്രീകളെ കണ്ടെത്തിയത്. ഇതുസംബന്ധിച്ച് ഡിഎഫ്ഒ സ്ഥിരീകരണം നൽകി. പശുക്കളെ തിരയാൻ പോയ മൂന്ന് സ്ത്രീകൾകളെയാണ് ഇന്നലെ മുതൽ കാണാതായത്.
പാറുക്കുട്ടി, ഡാർലി സ്റ്റീഫൻ, മായ എന്നിവരെയാണ് കാണാതായത്. മായയുടെ പശുവിനെ തേടിയാണ് മൂവരും വനത്തിലേക്ക് പോയത്. ഇന്നലെ ഉച്ചയോടെയാണ് മൂവരും പശുക്കളെ തേടി കാട്ടിലേക്ക് പോയത്. അതേസമയം മൂന്ന് പേരും സുരക്ഷിതരെന്ന് മലയാറ്റൂർ ഡിഎഫ്ഒ ശ്രീനിവാസ് അറിയിച്ചു. തിരിച്ച് വരും വഴി ആനക്കൂട്ടത്തെ കണ്ട സ്ത്രീകൾ ഒരു പറ പുറത്ത് അഭയം തേടുകയായിരുന്നു.
