താൻ ഉന്നയിച്ച ഒരു ആരോപണത്തിലും കൃത്യമായ അന്വേഷണമില്ലെന്ന് നിലമ്പൂർ എംഎൽഎ പി വി അൻവർ. താൻ ഉന്നയിച്ച സ്വർണക്കടത്തിൽ അന്വേഷണം പ്രഹസനം മാത്രമായി. അതേസമയം പാലക്കാട് കോൺഗ്രസ്സിൽ തമ്മിലടിയാണെന്നും കോൺഗ്രസിൽ പ്രവർത്തനങ്ങൾ നടക്കുന്നില്ലെന്നും പി വി അൻവർ പറഞ്ഞു.
പാലക്കാടിലെ അവസ്ഥ വളരെ പരിതാപകരമാണ്. ഡിഎംകെ കോൺഗ്രസിന് പിന്തുണ നൽകിയതാണ്. ഡിഎംകെ പ്രവർത്തകർ തങ്ങളാൽ കഴിയുംവിധം അവിടെ പ്രവർത്തിക്കുന്നുണ്ട്. പക്ഷെ യാഥാർഥ്യമെന്ന് പറയുന്നത്, കോൺഗ്രസ്സ് അവിടെ പതിനാറ് തട്ടിലാണ്. കോൺഗ്രസുകാരെ തമ്മിൽ ഒരുമിപ്പിച്ച് നിർത്താൻ നേതൃത്വത്തിന് ആയിട്ടില്ലെന്നും പി വി അന്വര് പറഞ്ഞു.
വയനാട്ടിലെ അവസ്ഥ നോക്കിയാൽ വോട്ടിംഗ് ശതമാനം കുറഞ്ഞതിന് കാരണമെന്താണ്? ആരാണ് അതിന് ഉത്തരവാദി. 64 ശതമാനത്തിലേക്ക് വയനാട് പോലെ ഒരു പാർലമെന്റ് മണ്ഡലത്തിൽ വോട്ട് കുറയണമെങ്കിൽ അത് കോൺഗ്രസ് ലീഡർഷിപ്പിന്റെ നിരുത്തരവാദിപരമായ ഇടപെടലിന്റെ ഭാഗമായിട്ടല്ലേ? ആകെ വയനാട്ടിൽ പ്രവർത്തിച്ചത് ലീഗ് മാത്രമാണെന്നും പി വി അൻവർ പറഞ്ഞു.
