പാലക്കാട് ഡിവിഷനിലെ വിവിധ ഇടങ്ങളില്‍ ട്രാക്കില്‍ അറ്റകുറ്റപ്പണി നടക്കുന്നതിനാല്‍ ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തി. ഹസ്രത്ത് നിസാമുദീന്‍ എറണാകുളം ജങ്ഷന്‍ മംഗള ലക്ഷദ്വീപ് സൂപ്പര്‍ഫാസ്റ്റ് എക്സ്പ്രസ് (12618) 10, 24, 31 തീയതികളില്‍ അരമണിക്കൂര്‍ വൈകിയോടും.
നമ്പര്‍ 16312 തിരുവനന്തപുരം നോര്‍ത്ത് – ശ്രീ ഗംഗാനഗര്‍ പ്രതിവാര എക്സ്പ്രസ് ഡിസംബര്‍ 14, 21, 28 തീയതികളില്‍ 70 മിനിറ്റും നമ്പര്‍ 06458 ഷൊര്‍ണൂര്‍ – കോയമ്പത്തൂര്‍ പാസഞ്ചര്‍ ഡിസംബര്‍ 09, 17 തീയതികളില്‍ 50 മിനിറ്റും നമ്പര്‍ 22610 കോയമ്ബത്തൂര്‍-മംഗളൂരു ഇന്റര്‍സിറ്റി സൂപ്പര്‍ഫാസ്റ്റ് എക്സ്പ്രസ് ഡിസംബര്‍ 17ന് 40 മിനിറ്റും നിയന്ത്രിക്കുമെന്ന് റെയില്‍വേ അധികൃതര്‍ അറിയിച്ചു.
അതേസമയം, ആര്‍.ആര്‍.ബി പരീക്ഷസമയത്തെ തിരക്ക് ഒഴിവാക്കാന്‍ ട്രെയിനുകള്‍ക്ക് ഒരു അധിക കോച്ച് അനുവദിച്ചു.
നമ്പര്‍ 16843 തിരുച്ചിറപ്പള്ളി-പാലക്കാട് ടൗണ്‍ എക്സ്പ്രസിന് ഡിസംബര്‍ എട്ടിനും നമ്പര്‍ 16844 പാലക്കാട് ടൗണ്‍ – തിരുച്ചിറപ്പള്ളി എക്സ്പ്രസിന് ഡിസംബര്‍ ഒമ്പതിനുമുള്ള സര്‍വിസില്‍ ഒരു അധിക സെക്കന്‍ഡ് ക്ലാസ് ജനറല്‍ കോച്ചാണ് അനുവദിച്ചത്.
