അടുത്തിടെ സമാപിച്ച രണ്ട് മത്സരങ്ങളുടെ പരമ്പരയിൽ ബംഗ്ലാദേശിനെതിരെ 2-0 ന് വിജയിച്ചതിന് ശേഷം ഇന്ത്യൻ സ്റ്റാർ ഓൾ റൗണ്ടർ രവിചന്ദ്രൻ അശ്വിൻ്റെ ഓൾറൗണ്ട് മികവിനെ റമീസ് രാജ പ്രശംസിച്ചു. തമിഴ്‌നാട് ഓൾറൗണ്ടർ 114 റൺസും 11 വിക്കറ്റും നേടി തൻ്റെ പതിനൊന്നാമത്തെ പ്ലെയർ ഓഫ് ദി സീരീസ് അവാർഡ് നേടി. ചെന്നൈയിൽ നടന്ന ആദ്യ ടെസ്റ്റിൻ്റെ ആദ്യ ഇന്നിംഗ്‌സിലെ മാച്ച് വിന്നിംഗ് സെഞ്ച്വറി അദ്ദേഹത്തെ ആരാധകരും ക്രിക്കറ്റ് വിദഗ്ധരും ഒരു പോലെ പ്രശംസിച്ചിരുന്നു.
അശ്വിൻ ഇന്ന് ലോകത്തിലെ തന്നെ ഏറ്റവും മികച്ച ഓൾ റൗണ്ടർമാരിൽ ഒരാൾ ആണെന്ന് റമീസ് രാജ പറഞ്ഞു. റമീസ് പറഞ്ഞത് ഇങ്ങനെ:
“അവൻ (അശ്വിൻ) ഒരു ഓൾറൗണ്ടർ എന്ന നിലയിൽ ആഘോഷിക്കപ്പെട്ടിട്ടില്ല, നിങ്ങൾ അവൻ്റെ റെക്കോർഡ് നോക്കിയാൽ, അവൻ ആരിലും കുറവല്ല, അവൻ ഒരു മിടുക്കനായ ക്രിക്കറ്റ് കളിക്കാരനാണ്. 12th മാൻ ആയിരിക്കുമ്പഴോ, ടീമിന് പുറത്തായിരിക്കുമ്പോഴോ എല്ലാം അവന് ഒരു പോലെയാണ് ”രാജ തൻ്റെ ഔദ്യോഗിക യൂട്യൂബ് ചാനലിൽ പറഞ്ഞു.
അശ്വിൽ നിന്ന് ഒരുപാട് കാര്യങ്ങൾ പഠിക്കാനുണ്ടെന്നും അവസരം കിട്ടുമ്പോഴെല്ലാം മികച്ച പ്രകടനം നടത്താനുള്ള അദ്ദേഹത്തിൻ്റെ കഴിവിനെ പ്രശംസിച്ചതായും മുൻ പാകിസ്ഥാൻ ക്രിക്കറ്റ് ബോർഡ് (പിസിബി) ചെയർമാൻ പറഞ്ഞു.
“അവസരം കിട്ടുമ്പോഴെല്ലാം അവൻ ഉജ്ജ്വലമായി കളിക്കുന്നു. അശ്വിൽ നിന്ന് ഒരുപാട് പഠിക്കാനുണ്ട്. അവൻ ക്രിക്കറ്റ് ബുദ്ധിയുള്ള താരമാണ്. അത് അവന്റെ ക്രിക്കറ്റ് വിശകലനങ്ങളിൽ നിന്ന് നമുക്ക് മനസിലാകും”റമിസ് വിശദീകരിച്ചു.
