ഇംഗ്ലണ്ടിനെതിരായ അഞ്ച് മത്സരങ്ങളുടെ ഹോം ടി20 ഐ പരമ്പരക്ക് വേണ്ടിയുള്ള തയ്യാറെടുപ്പുകൾ ഇന്ത്യയുടെ ഹാർദിക് പാണ്ഡ്യ ആരംഭിച്ചു. ഒരു പരിശീലന സെഷനിൽ ഓൾറൗണ്ടർ കളിച്ച മികച്ച നോ-ലുക്ക് റാംപ് ഷോട്ട് സോഷ്യൽ മീഡിയ ഏറ്റെടുത്തിരിക്കുകയാണ്.
നോ-ലുക്ക് ഷോട്ടുകൾ മുമ്പും കളിച്ചിട്ടുള്ള ഹാർദിക് കഴിഞ്ഞ വർഷം ബംഗ്ലാദേശിനെതിരായ ഇന്ത്യയുടെ ടി20 ഐ പരമ്പരയുടെ ഉദ്ഘാടന മത്സരത്തിൽ ഇത്തരത്തിൽ ഒരു ഷോട്ട് കളിച്ചുകൊണ്ട് ആരാധകരെ ഞെട്ടിച്ചിരുന്നു. എന്തായാലും ഇംഗ്ലണ്ടിന് എതിരെയും തന്റെ ഭാഗത്ത് നിന്ന് വെറൈറ്റി ഷോട്ടുകൾ പ്രതീക്ഷിക്കാം എന്ന സൂചന തന്നെയാണ് താരം നൽകിയിരിക്കുന്നത്.
പ്രാക്ടീസ് സമയത്ത് താൻ കളിച്ച നോ-ലുക്ക് റാംപിൻ്റെ വീഡിയോ സ്റ്റാർ ക്രിക്കറ്റ് താരം തൻ്റെ ഇൻസ്റ്റാഗ്രാം സ്റ്റോറിയിൽ പങ്കിട്ടു. അതേസമയം ഇന്ത്യയും ഇംഗ്ലണ്ടും തമ്മിലുള്ള ടി20 ഐ പരമ്പര ജനുവരി 22 ബുധനാഴ്ച കൊൽക്കത്തയിലെ ഈഡൻ ഗാർഡൻസിൽ ആരംഭിക്കും. അഞ്ച് ടി20 ഐ മത്സരങ്ങൾക്ക് ശേഷം ഫെബ്രുവരി 6 ന് വിദർഭ ക്രിക്കറ്റ് അസോസിയേഷൻ സ്റ്റേഡിയത്തിൽ ആരംഭിക്കുന്ന മൂന്ന് മത്സര ഏകദിന പരമ്പരയിലും ഇരു ടീമുകളും മത്സരിക്കും.
ടി 20 പരമ്പരയിൽ സൂര്യകുമാർ യാദവ് ഇന്ത്യയെ നയിക്കുമ്പോൾ അക്‌സർ പട്ടേലാണ് ടീമിന്റെ ഉപനായകൻ.
