ഹൈപ്പ് കൊടുക്കേണ്ട ആവശ്യമില്ല, നിങ്ങൾ വിചാരിക്കുന്ന അത്ര നല്ല ഓപ്ഷൻ അല്ല അവൻ; യുവതാരത്തെക്കുറിച്ച് സഞ്ജയ് ബംഗാർ

ഇംഗ്ലണ്ടിനെതിരായ വരാനിരിക്കുന്ന പരമ്പരയ്ക്കുള്ള ഇന്ത്യയുടെ ടി20 ഐ അല്ലെങ്കിൽ ഏകദിന ടീമിൽ നിതീഷ് കുമാർ റെഡ്ഡിയെ ഉൾപ്പെടുത്തുന്നതിന് എതിരെ മുൻ ഇന്ത്യൻ ബാറ്റിംഗ് കോച്ച് സഞ്ജയ് ബംഗാർ രംഗത്ത്. സീം-ബൗളിംഗ് ഓൾറൗണ്ടർ ടെസ്റ്റ് ക്രിക്കറ്റിന്, പ്രത്യേകിച്ച് വിദേശ സാഹചര്യങ്ങളിൽ കൂടുതൽ അനുയോജ്യനാകുമെന്നും അല്ലാത്ത മത്സരങ്ങളിൽ താഹാരത്തെ കളിപ്പിക്കരുതെന്നും അദ്ദേഹം അഭിപ്രായപ്പെട്ടു.

2024-25 ലെ ബോർഡർ-ഗവാസ്‌കർ ട്രോഫിയിൽ (ബിജിടി) ഇന്ത്യ അടുത്തിടെ ഓസ്‌ട്രേലിയയോട് 1-3 ന് തോറ്റിരുന്നു. ടീമിൻ്റെ ബുദ്ധിമുട്ടുകൾക്കിടയിലും റെഡ്ഡി മികവ് കാണിച്ചു. ഒമ്പത് ഇന്നിംഗ്‌സുകളിൽ നിന്ന് 37.25 ശരാശരിയിൽ 298 റൺസും 38.00 ശരാശരിയിൽ അഞ്ച് വിക്കറ്റും നേടി.

സ്റ്റാർ സ്‌പോർട്‌സ് ഷോ ഗെയിം പ്ലാനിലെ ഒരു സെഗ്‌മെൻ്റിനിടെ, ഇംഗ്ലണ്ടിനെതിരായ ടി20 ഐ പരമ്പരയിൽ റെഡ്ഡിയുടെ ഓൾറൗണ്ടർ റോളിനെക്കുറിച്ച് ബംഗറിനോട് ചോദിച്ചു. റെഡ്ഡിയുടെ കഴിവുകൾ അംഗീകരിച്ചെങ്കിലും വൈറ്റ്-ബോൾ സ്ക്വാഡുകളിൽ അദ്ദേഹത്തെ ഉടനടി ഉൾപ്പെടുത്തുന്നത് ഗുണം ചെയ്യില്ല എന്നും പറഞ്ഞു.

“ഇത് അദ്ദേഹം കരിയറിൻ്റെ തുടക്കത്തിലാണ്,” അദ്ദേഹം അഭിപ്രായപ്പെട്ടു. “കഴിഞ്ഞ 10-12 വർഷങ്ങളിൽ നിങ്ങൾ ചിന്തിക്കുകയാണെങ്കിൽ, ആരാണ് ആ സ്ഥാനത്ത് മികച്ച പ്രകടനം കാഴ്ചവെച്ചത്? ഇർഫാൻ പത്താനെ ഓർമ്മ വരുന്നു. പുതിയ പന്തിൽ മികച്ച പ്രകടനം കാഴ്ചവെച്ച വ്യക്തിയായിരുന്നു അവൻ അല്ലെങ്കിൽ ഒരു ഫസ്റ്റ് ചേഞ്ച് ബൗളർ എന്ന നിലയിലും, ആവശ്യമുള്ളപ്പോഴെല്ലാം ബാറ്റുകൊണ്ടും അദ്ദേഹം സംഭാവന നൽകി.”

“ഇർഫാൻ അണ്ടർ 19 സിസ്റ്റത്തിൽ നിന്നാണ് ഉയർന്നുവന്നത്, എന്നാൽ നിതീഷ് ആ വഴിയിലൂടെ വന്ന ആളല്ല. അവൻ ഇതിനകം ആ ഘട്ടം കഴിഞ്ഞു. വ്യക്തിപരമായി, വിദേശത്തെ ടെസ്റ്റ് മത്സരങ്ങളിലെ നിർണായക കളിക്കാരനായാണ് ഞാൻ അദ്ദേഹത്തെ കാണുന്നത്. 50 ഓവർ അല്ലെങ്കിൽ ടി20 ഫോർമാറ്റുകളിലേക്കോ ഹോം ടെസ്റ്റുകളിലേക്കോ പോലും അദ്ദേഹത്തെ നല്ല ഓപ്ഷൻ ആയി ഞാൻ കാണുന്നില്ല, ”ബംഗാർ കൂടുതൽ വിശദീകരിച്ചു.

2024 ഒക്ടോബറിൽ ബംഗ്ലാദേശിനെതിരായ മൂന്ന് ടി20 ഐ മത്സരങ്ങളിലും റെഡ്ഡി മികച്ച പ്രകടനങ്ങൾ കാഴ്ചവച്ചു. എന്നിരുന്നാലും, ഓസ്‌ട്രേലിയയ്‌ക്കെതിരായ BGT പരമ്പരയിൽ ഇന്ത്യയുടെ ടെസ്റ്റ് ടീമിലേക്ക് മുൻഗണന നൽകിയതിനാൽ, ദക്ഷിണാഫ്രിക്കയ്‌ക്കെതിരായ തുടർന്നുള്ള T20I പരമ്പരയിലേക്ക് അദ്ദേഹത്തെ തിരഞ്ഞെടുത്തില്ല. ” അദ്ദേഹം വിദേശ ടെസ്റ്റ് മത്സരങ്ങൾക്കായി ടീമിന് അനുയോജ്യമായ ഒരു ബാലൻസ് കൊണ്ടുവരുന്നു, അവിടെയാണ് അദ്ദേഹത്തിൻ്റെ യഥാർത്ഥ മൂല്യം,” അദ്ദേഹം കൂട്ടിച്ചേർത്തു.

മത്സരങ്ങളോ മറ്റ് തിരക്കുകളോ ഇല്ലെങ്കിൽ താരം കൂടുതൽ ആയി നാഷനൽ ക്രിക്കറ്റ് അക്കാദമിയിൽ ചിലവഴിക്കണം എന്നും ബോളിങ് പരിശീലനം നേടണം എന്നും ബംഗാർ പറഞ്ഞു.